Wednesday, May 8, 2013

Ферги: Го оставам Јунајтед во одлична состојба

Сер Алекс Фергусон официјално потврди дека по 27. години ја напушта менаџерската функција на Манчестер Јунајтед. Ферги ќе биде еден од клупските директори и амбасадор на Јунајтед.

„Не беше лесна одлуката што ја донесов, но верувам дека е вистинско време. Важно е што го оставам клубот во одлична форма и успеав во тоа. Квалитетот на победничкиот тим и балансот на годините на играчите, гарантира натамошен успех, додека младите фудбалери покажаа дека екипата има светла иднина“, истакна Фергусон.

Неговата иднина останува поврзана со „црвените ѓаволи“.

„Воодушевен сум што ќе продолжам и како директор и како амабасадор на клубот. Сакам да му се заблагодарам на моето семејство, на сопругата Кети која беше главна фигура во мојата кариера и нивната поддршка многу ми значеше. Што се однесува до играчите и стручниот штаб сакам да им упатам честитки за нивното професионално однесување и посветеност и без нивниот придонес овој голем клуб немаше да има толку богата историја. Им благодарам и на навивачите кои ме поддржуваа во текот на годините. Ми беше чест и имав огромна привилегија да го предводам вашиот омилен клуб“, заклучи Фергусон, кој со 49 освоени трофеи е најуспешниот менаџер во Велика Британија.

No comments:

Post a Comment