Според португалскиот дефанзивец неговиот сонародник требал да му покаже поголема доза на почит на Касиљас по победата од 4:3 во саботата над Ваљадолид. Потег кој според самиот Мурињо е обид на Пепе да го сврти вниманието од неговата лоша форма и неуспехот да обезбеди стандардно место меѓу првите 11.
„Лесно е да се анализираат коментарите на Пепе. Тој има проблем кој се вика Рафаел Варан. Еден 31-годишен фудбалер го загуби своето место во тимот од еден 19-годишник. Тоа се природните закони на дело. Но, кој имаше храброст да му даде шанса на Варан? Па, нормално јас“ - изјави Мурињо, кој на својот прес не застана само на изјавите во врска со Пепе.
„Кога е голманската позиција во прашање повеќе ми се допаѓа Диего Лопез отколку што тоа е случај со Икер Касиљас. Ова не е лична одлука, нема никаков лош однос помеѓу мене и Икер, јас едноставно преферирам поинаков тип на голман за мојот тим“ - додаде Португалецот чија иднина во Мадрид е крајно неизвесна.

No comments:
Post a Comment